KRITERIA VIR PRESTASIETOEKENNINGS

KRITERIA VIR PRYSUITDELING

1. BASIESE BEGINSELS
   1. Die skoolbestuur en personeel:
      • Is verantwoordelik vir die opstel van die kriteria vir die toekennings.
      • Behou die reg voor om ‘n toekenning te maak of nie.
   2. Goeie gedrag en die nakoming van die skoolreëls is ‘n voorvereiste vir die kwalifisering vir enige toekenning. Kleure van ‘n leerder kan teruggetrek word indien sy/haar se gedrag nie dienooreenkomstig die skool se gedragskode is nie.
   3. Toekennings word slegs gemaak vir prestasies wat behaal is sedert die vorige jaar se prysuitdeling.
   4. Aanpassings geskied voor die aanvang van ‘n aktiwiteit (seisoen). Implementering van aanpassings is slegs geldig vanaf die nuwe seisoen of jaar.
   5. Kriteria wat hersien is om welke rede ookal, is nie terugwerkend vir vorige jare nie.

2. BREË RIGLYNE VIR AKTIWITEITE WAT ONDER ‘N ERKENDE SKOLELIGGAAM VAN DIE DBO RESSORTEER
   1. Spankleure: (Balkie) Twee jaar lid van skool se eerste span (80% deelname aan wedstryde)
   2. Prestasiesertifikate: Streeksvlak
   3. Halfkleure: (Balkie) Provinsiale vlak
   4. Volkleure: (Baadjie) Nasionale vlak of vir ‘n langdurige prestasie in sport of kultuur – nadat halfkleure in dieselfde aktiwiteit, reeds drie keer verwerf is.

3. KWALIFISERENDE VOORWAARDES
   1. Deelname op die betrokke “vlak”, van die spesifieke aktiwiteit is ‘n vereiste.
   2. ‘n Lid van ‘n provinsiale A-span moet aan ‘n nasionale toernooi of op die hoogste vlak, na Wes-Kaap deelname van die spesifieke aktiwiteit, deelneem.
   3. ‘n Lid van ‘n provinsiale B- of C-span (Akademie-, plattelandse- of provinsiale streekspan) kwalifiseer hoogstens vir halfkleure.
   4. Indien ‘n span/groep aan ‘n Top-skole of Burgertrofee kompetisie speel en vir ‘n prestasie-toekenning kwalifiseer, moet elke individu in die span ten minste aan 80% van die oefeninge deelgeneem het of van die wedstryde gespeel het. (Boland- of Wynland wenners verwerf halfkleure en Wes-Kaap wenners verwerf erekleure)
   5. ‘n Speler wat as gevolg van ‘n besering nie aan bogenoemde punt se vereiste voldoen nie, sal op meriete hanteer word.
   6. Slegs prestasies wat onder gekontroleerde omstandighede behaal is, word erken.

4. BUITESKOOLSE PRESTASIES (Aktiwiteite wat nie geaffilieer is aan ‘n erkende skoleliggaam van die DBO nie)

   1. Indiening van ‘n amptelike sertifikaat en bewys van deelname is verpligtend vir erkenning. ‘n Amptelike brief van die afrigter/sameroeper waarin die kriteria, vereistes en strukture duidelik uiteengesit is moet ook ingedien word.
   2. Prestasiesertifikate word toegeken vir prestasie op enige vlak, nadat die vereistes in punt 4.1 nagekom is.
   3. Slegs aktiwiteite/instansies wat by nasionale organisasies geaffilieer is, sal erkenning ontvang. Bewys van affiliasie moet ingedien word.

   4. Die skool behou die reg voor om te besluit op watter vlak en/of daar vir buiteskoolse aktiwiteite of prestasies, toekennings gemaak word.