RAAK DEEL VAN DIE LEKKER DINGE
Die sosiale is die plek waar jy al die opwindende sosiale funksies en geleenthede kan ontdek wat tans deur die skool bemark word. Van kleurvolle skoolballe en temapartytjies tot kultuuraande en fondsinsamelings – hierdie bladsy hou jou op hoogte van alles wat gebeur. Dit dien as ’n dinamiese ruimte waar leerders, ouers en personeel maklik toegang het tot belangrike datums, inskrywingsvorms, en besonderhede oor komende aktiwiteite. Hier word die gees van gemeenskap, deelname en pret ten volle gevier!
WINTERBAL
Die Winterbal, met die betowerende tema “Galaxy of Stars”, is om die draai en beloof om ’n skitterende aand vol glans en opwinding te wees! Hierdie spesiale geleentheid is oop vir alle Graad 8 tot 12 leerders van Hoërskool Montana. Metgeselle van ander skole is ook welkom, mits hulle onder die ouderdom van 19 is en hul kaartjies betyds gekoop word. Die koste beloop slegs R160 per persoon of R320 per paartjie – ’n sterwaarde-aand teen ’n bekostigbare prys! Kaartjies kan vooraf by Juf Geldenhuys gekoop word, kontant of met kaart, voor skool by Montie-Mond (Kantoor). Moenie hierdie galaktiese geleentheid misloop nie – trek jou mooiste uitrusting aan en kom dans onder die sterre!
25 JULIE 2025
R160.00/PP
MEL DIE STORIEVERTELLER
Ons is baie opgewonde om te deel dat Mel die Storieverteller op Donderdag, 29 Augustus by Hoërskool Montana gaan optree!
Die tema van haar vertoning is: “Haar likes is altyd meer as my likes.” Sy gesels op ’n snaakse en eerlike manier oor sosiale druk, selfbeeld, vergelyking en hoe ons onsself meet aan wat ons aanlyn sien.
Ons wil hê dit moet ’n intieme en betekenisvolle gesprek wees tussen Mel en ons Montana-meisies. ’n Kans om saam te lag, te dink, en iets besonders te beleef.
Let wel: Hierdie vertoning is net vir ons skool se dogters en is ongelukkig nie oop vir die publiek nie. Ons weet daar is baie mense wat graag sou wou kom kyk, en ons sê regtig jammer – maar hierdie keer hou ons ons iets spesiaal net vir ons “girls”!
Die beste van alles? Dis heeltemal GRATIS!
SERPE
Die OOV (Ouers-onderwysersvereniging) is tans besig met ’n heerlike fondsinsamelingsprojek om Hoërskool Montana te ondersteun – warm, stylvolle winterserpte word teen slegs R120.00 elk verkoop! Hierdie serpte is perfek vir die koue seisoen en wys terselfdertyd jou ondersteuning vir die skoolgemeenskap. Alle fondse wat ingesamel word, gaan direk terug na projekte wat leerders bevoordeel. Plaas jou bestelling vandag nog by Juf Geldenhuys, voor of na skool by Montie-Mond (Kantoor). Moenie uitmis op hierdie praktiese én betekenisvolle aankoop nie!
R120.00/SERP
SOPKOMBUIS
Kom ons maak saam ’n verskil hierdie winter. Die ATKV Worcester-tak loods gedurende Junie 2025 ’n Sopkombuis-projek en Hoërskool Montana is trots om deel te wees van hierdie betekenisvolle inisiatief. Ondersteun asseblief hierdie projek deur skenkings van brood, soppoeier, ertjies, soup mix, sopbene, wortels en uie. Alle skenkings kan tussen Maandae en Woensdae van 07:30 tot 14:00 by die kantoor afgelewer word. Laat ons saam hoop en warmte bring aan dié wat dit die nodigste het.
PROJEK SLAAP SAG
Onthou om die verskil te wees! Hoërskool Montana se omgewingsinisiatiewe fokus op die krag van klein dade met groot impak. Ons nooi alle leerders en ouers uit om plastieksakke in te bring vir ons Slaap Sag Projek, wat daarop gemik is om herwinde plastiek in matjies vir behoeftiges te omskep. Boonop gebruik ons skoon plastiek vir die vervaardiging van Eko-Bakstene – ’n volhoubare manier om afval nuttig aan te wend. Doen dit vandag en sien die verskil môre. Jou bydrae maak werklik ’n betekenisvolle impak.
